Behgjet Pacolli ka uruar “Mabetex Prishtina” për fitoren në Superligën e futsallit.

Ai është shprehur krenar  për djemtë e ekipit që do të përfaqësojnë Kosovën në UEFA Champions League, transmeton portali arbresh.info.

Tutje Pacolli ka përmendur edhe përkushtimin e tij që sporti i Kosovës të zhvillohet me hapa të shpejtë në arenën ndërkombëtare.

Shkrimi i plotë:

“Mabetex Prishtina” është kampioni më i ri në Superligën e futsallit në Kosovë. Krenar që djemt e këtij ekipi të cilët sezonin e ardhshëm do të përfaqësojnë Republikën e Kosovës në UEFA Champions League. Vendi ynë, Kosova, ka fat të madh që ka një popull me një rini të shëndoshë e të talentuar si potencialin më të fuqishëm të saj. Të rinjtë tanë kanë dëshmuar aftësi të rralla çdoherë kur u është dhënë mundësia dhe hapësira e veprimit, sidomos në aktivitete sportive. Unë dua t’i garantoj sportistët, se do të vazhdoj të jem shumë i përkushtuar që sporti i Kosovës të zhvillohet me hapa të shpejtë për të marrë pjesë në kompeticione ndërkombëtare, ku me dinjitet do të përfaqësohet edhe Kosova ??.